കൊച്ചി : ഇസ്രായേൽ-ഇറാൻ സംഘർഷം ആഗോള വിപണിയെ പിടിച്ചുലച്ചതോടെ കേരളത്തിൽ സ്വർണ്ണവിലയിൽ വിശ്വസിക്കാനാകാത്ത കുതിപ്പ്. ഇന്ന് രണ്ടുതവണ വിലകൂടി. പവന് 2920 രൂപ കൂടി 1, 23, 720 രൂപയിലെത്തി. ഗ്രാമിന് 365 രൂപ വർദ്ധിച്ച് 15, 465 രൂപയായി. രാവിലെ പവന് 2320 രൂപ കൂടിയിരുന്നു. രാവിലെ ഗ്രാമിന് 290 രൂപയാണ് കൂടിയത്.
മൂന്ന് ശതമാനം ജിഎസ്ടിയും പണിക്കൂലിയുമെല്ലാം ചേരുമ്പോൾ വില വീണ്ടും ഉയരും. സ്വർണത്തോടൊപ്പം വെള്ളി വിലയും കുതിച്ചുയരുകയാണ്.
വർധിച്ചുവരുന്ന ഭൗമരാഷ്ട്രീയ സംഘർഷങ്ങൾ കാരണം ആഗോള വിപണിയിൽ സ്വർണവില ഉയരുകയാണ്. യുഎസ് ഡോളർ ശക്തിപ്പെട്ടതും വിലയിൽ സമ്മർദം ചെലുത്തും. കൂടാതെ, ആഗോള പ്രതിസന്ധിയിടെ പശ്ചാത്തലത്തിൽ നിക്ഷേപകർ യുഎസ് ട്രഷറി പോലുള്ള മറ്റ് ആസ്തികളിലേക്ക് ശ്രദ്ധ മാറ്റിയതും വിലയെ ബാധിക്കും
